`Hərbi vəziyyət haqqında` qanun dəyişdi
21:26 14 Fevral 2017
Milli Məclisdə “Hərbi vəziyyət haqqında” qanun layihəsi II və III oxunuşda qəbul olunub.
Femida.az xəbər verir ki, yeni hazırlanan "Hərbi vəziyyət haqqında" qanun layihəsi bu gün keçirilən plenar iclasda müzakirəyə çıxarılıb. Layihə barədə Milli Məclisin I vitse spikeri, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov məlumat verib.
Qanun layihəsi 5 fəsil 27 maddədən ibarətdir.
Yeni hazırlanan qanun Azərbaycanın bütün ərazisində və ya ayrı-ayrı yerlərində hərbi vəziyyətin elan və ləğv edilməsi, hərbi vəziyyətin qüvvədə olma müddətinin uzadılması, hərbi vəziyyət rejiminin təmin edilməsi qaydasını, cəbhəboyu zonada hərbi hissələrin yerləşdiyi ərazilərdə rejimin xüsusiyyətlərini, hərbi vəziyyət şəraitində fiziki və hüquqi şəxslərin hüquqlarının təminatını müəyyən edir.
Hərbi vəziyyətin elan edilməsinin əsas məqsədi mülkiyyət və təşkilati-hüquqi formasından asılı olmayaraq bütün idarə, müəssisə və təşkilatların üzərinə düşən vəzifələri yerinə yetirmək üçün zəruri şəraitin yaradılmasıdır.
Müzakirələrdən sonra qanun layihəsi II və III oxunuşda səsverməyə çıxarılaraq qəbul edilib.
Femida.az
Oxunub: 1146
Oxşar xəbərlər
- `Hərbi cinayətlərin sayı kəskin azalıb` - Xanlar Vəliyev
- `Hərbi vəziyyət haqqında` qanun müzakirəyə çıxarıldı
- `Hərbi oyunları keçirməyə hazırıq` - Zakir Həsənov
- `Hərbi vəziyyət haqqında` qanun yenidən hazırlanıb
- `Hərbi çevrilişə cəhd bir günlük iş deyil` - Abdullah Gül
- `Hərbi potensialımızı gücləndiririk` - Prezident
- `Hərbi sahədə də əməkdaşlıq edirik` - Şoyqu
- `Hərbi fəaliyyətlər dayandırılmalıdır` - Malta XİN
- `Hərbi əməliyyatlara tam hazırıq` - Ramil Usubov